البيانات اللي بنستخدمها
- السلة والمفضلة بيتحفظوا على جهازك بس في المتصفح، ومش بيوصلونا غير لما تبعت الطلب.
- لما تكلمنا على واتساب، بيوصلنا رقمك ورسالتك، وبنستخدمهم للرد عليك والضمان بس.
- مش بنبيع بياناتك ولا بنشاركها مع أي حد.
الطلب من الموقع
- لما تطلب من الموقع بنحفظ اسمك ورقم الواتساب والإيميل (لو كتبته) والرقم اللي حوّلت منه وصورة التحويل، عشان نراجع الدفع ونسلّمك الطلب.
- صورة التحويل بتتمسح تلقائياً بعد 3 شهور، واللينك بتاعها اللي في رسالة الواتساب سري وخاص بطلبك.
- لو كتبت رقمك في صفحة الطلب وما كملتش، بنحتفظ بيه مع المنتجات اللي اخترتها لمدة أقصاها 30 يوم، عشان نقدر نبعتلك نساعدك تكمّل.
- لما اشتراكك يقرب يخلص، ممكن نبعتلك رسالة تذكير بالتجديد.
- بيانات الاشتراك اللي بنسلّمهالك بتتحفظ متشفّرة، وتقدر تشوفها في صفحة طلبك بكود الطلب ورقم الواتساب بتاعك.
- كود الطلب ورقمك بيتحفظوا على جهازك عشان تلاقي طلباتك بسهولة.
- لو اخترت باسورد لحسابك، بيتحفظ متشفّر بطريقة ما ينفعش ترجع، فمحدش يقدر يشوفه حتى إحنا.
مساعد الشات
- المحادثة مع المساعد بتتحفظ في متصفحك لحد ما تقفل الصفحة.
- بنحتفظ بنص الأسئلة لمدة 4 شهور بالكتير عشان نحسّن الردود والموقع، ومن غير اسمك أو رقمك. الأرقام والإيميلات بتتشال تلقائياً.
- الردود بيكتبها ذكاء اصطناعي (Google Gemini أو Cloudflare Workers AI)، فما تكتبش أي باسورد أو بيانات دفع في الشات.
خدمات خارجية
الموقع بيحمّل الخطوط من Google Fonts، والطلب بيتم من الموقع، والتسليم وخدمة العملاء على واتساب، وكل خدمة ليها سياسة خصوصية خاصة بيها.
التواصل
لو عايز تمسح بيانات طلب قديم، كلمنا على واتساب.